Клуб янгиликлари

Шота Арвеладзе: "Иккинчи бўлимда тезроқ ўйнаганимиз фойда берди"

Клуб янгиликлари

"Нефтчи" билан учрашувдан сўнг "Пахтакор" бош мураббийи ўйин ҳақида фикрларини айтиб ўтди.

Шота АРВЕЛАДЗЕ: - Бугун ўз майдонимизда биринчи учрашув бўлгани сабабли ҳаяжон бор эди. Янги футболчиларнинг жамоага тўлиқ киришиб кетишлари учун вақт керак. Биринчи бўлимда ҳам ёмон ўйнамадик дейман, чунки рақибни жарима майдони атрофида ушлаб турдик. Иккинчи бўлимда тезроқ ва аниқроқ ўйнадик. Натижада барча ўйлаган режаларимиз амалга ошди.

"Нефтчи"нинг бир неча учрашувларини томоша қилдик ва рақибни ўргандик. Бугун рақибга ўз ўйинини намойиш этишга имкон бермадик деб ҳисоблайман.

Танаффусдан кейин жамоани тезроқ яхши ҳолатга келтиришга ҳаракат қиляпмиз. Биринчи ва иккинчи давра ўртасида оралиқ анча узоқ. Шу боисдан жамоанинг суръатга қайтиши қийинроқ бўлади.