"Пахтакор" футбол клуби 1956 йил Тошкент шаҳрида ташкил этилган. Ўзбекистоннинг энг совриндор жамоаси. 11 бор Ўзбекистон чемпионати ва 11 марта Ўзбекистон Кубогида ғалаба қозонган. Собиқ Иттифоқ олий лигасида Ўзбекистон шарафини ҳимоя қилган ягона жамоа ҳисобланади. Олий лигада барча мавсумларда қатнашиб келаётган уч клубдан бири. 2002 йил Осиёда энг яхши клуб деб топилган. Жамоа футболчилари 9 бор мамлакатда энг яхши футболчи сифатида эътироф этилган.