Клуб янгиликлари

2002 йилда таваллуд топган тарбияланувчиларимиз "Пахтакор-79" хотирасига бағишланган турнирда ғолиб чиқишди.

Финалда "Янгиер"га қарши учрашувда иккинчи бўлимда киритилган ягона тўп ўйин тақдирини ҳал қилди. шу тариқа Дилшод Нуралиев шогирдлари "Хотира қанотлари" хотира турнири ғолибларига айланишди.

Учинчи ўрин "Пахтакор-2"дан 3:2 ҳисобида устун келган наманганлик ёш футболчиларга насиб этди. Мусобақанинг ёпилиш маросимида Биродар Абдураимов, Тўлаган Исоқов, Николай Любарцев, Виталий Капустянский ва Наримон Жалолов каби футболимиз фахрийлари ҳамда клуб бош директори Дмитрий Адисман иштирок этишди. Улар "Пахтакор-79" ҳақида фикрлар билдириб, ёш ўйинчиларга келажакда омад тилашди.