Клуб янгиликлари

"Пахтакор" тарбияланувчиси саналган Владимир Козак миллий чемпионатда 203 учрашувда иштирок этди.

АГМКга қарши иккинчи даврада бўлиб ўтган беллашув Козак учун миллий чемпионат доирасидаги 200-ўйинга айланди. Ҳозирга келиб Владимирнинг учрашувлари сони 203тага етди. Бу ўйинларда Козак 21 гол уришга эришган. Жамоамиз сафида жами 274 расмий баҳсда майдонга тушган футболчи 24 тўпга муаллифлик қилган. У қанот ва марказий ҳимоя, марказий ярим ҳимояда тўп тепиб келмоқда.

Ўзбекистон чемпионатида "Пахтакор" таркибида Владимир Козак энг кўп ўйин ўтказиш борасида 4-поғонадан жой олган. Мурод Алиев (232), Станислав Андреев (213) ва Анвар Солиев (205)дан кейин айнан ушбу ўйинчи ўрин олган.

Жамоамиз сафида барча чемпионатларда энг кўп майдонга тушган футболчи ўзбек футболи афсоналаридан бири саналган Биродар Абдураимов бўлиб, у 302 беллашув ўтказган. Ўтган асрнинг энг яхши футболчиси деб топилган Геннадий Красницкий эса 246 баҳсда жамоамиз шарафини ҳимоя қилган.

Қуйида "Пахтакор" таркибида СССР ва Ўзбекистон чемпионатлари юқори лигасида энг кўп учрашувлар ўтказган футболчилар билан танишиб олинг.

Биродар Абдураимов  302

Геннадий Красницкий  246

Мурод Алиев    232

Станислав Андреев    213

Виталий Суюнов  211

Анвар Солиев    205

Владимир Козак    203

Владимир Штерн  202

Илҳом Суюнов    198

Тўлаган Исоқов  190

Виктор Варюхин  187

Собир Ходиев    187

Владимир Тожиров  187

Ҳамид Раҳматуллаев  184

Асрор Алиқулов    179

Шерзод Каримов    178

Юрий Пшеничников  177

Геннадий Денисов  177

Баҳодир Иброҳимов  174

Павел Бугало    173