Клуб янгиликлари

Суперлига 6-турида жамоамиз Фарғонада "Нефтчи"дан 4:0 ҳисобида устун келди.

Мазкур беллашувда Риаскос сафга қайтди ва колумбиялик ҳужумчи шу куни жуда фаол ўйин намойиш қилди. Дастлабки кескин ҳолатни мезбонлар юзага келтиришди. Ғиёсовнинг зарбаси тўсинга тегиб қайтди. Бўлим ўрталарига келиб ташаббус "Шерлар" тарафига ўтди. 23-дақиқада ҳисоб очилди. Алижонов-Риаскос-Сергеев ижросидаги ҳужумни Адҳамзода гол билан якунлади. Сергеевнинг уринишини дарвозабон қайтарди ва Умар унга биринчи бўлиб етиб келди. Бўлим охирида эса "Пахтакор" ҳисобни йирик кўринишга келтирди. Дастлаб Риаскос дарвозани ишғол қилди. Адҳамзоданинг зарбасини посбон қайтарди ва қайтган тўпни Брайан дарвозага йўллади. Учинчи гол Сергеев ҳисобига ёзилди. У Ресаннинг тривела услубида берган узатмасини боши билан киритди. Танаффус олдидан Адҳамзода яна тўп киритди. Сергеев ўзига қолдирган тўпни Умар посбон устидан ошириб ташлади - 0:4.

Иккинчи бўлимда жамоамиз хотиржам ҳаракат қилди ва натижа ўзгаришига йўл қўймади. Шу тариқа ўзбек класикосида йирик ҳисобда ғалаба қозонган "Пахтакор" муҳим ютуқни тантана қилди.

19 апрель. Фарғона. "Истиқлол" стадиони. 15500 томошабин.

Ҳакамлар: Т.Тўхтасинов, С.Шоюсупов, А.Усмонов, А.Қосимжонов.

ВАР: А.Худойберганов.

АВАР: И.Исмоилов.

Назоратчи: В.Серазитдинов.

Комиссар: Д.Хотамқулов.

"Нефтчи": Суюнов (Эргашев, 46), Исмоилов (Алибоев, 46), Искандеров (Йовович, 46), Болтабоев (Рўзиев, 68), Ғиёсов (Цигер, 46), Ғофуров, Убайдуллаев, Жокич, Марушич, Сайфиев, Тошмирзаев.

"Пахтакор": Жонатан (Назаров, 46), Алижонов, Азмиддинов, Абдумажидов, Ҳамралиев, Адҳамзода (Маҳаммаджонов, 67), Лукка, Собирхўжаев, Ресан (Жўрақўзиев, 83), Риаскос (Ҳамдамов, 67), Сергеев (Ўринбоев, 83).

Голлар: Адҳамзода, 23 - 0:1. Риаскос, 42 - 0:2. Сергеев, 45+1 - 0:3. Адҳамзода, 45+6 - 0:4.

Огоҳлантиришлар: Адҳамзода, 15. Риаскос, 18. Сайфиев, 18. Собирхўжаев, 71.