UZ
Rus
Eng
Чемпионат доирасида жамоалар 49 учрашувда майдонга тушишган. Ўзаро ўйинлар бўйича устунлик яққол жамоамиз тарафида. 41 баҳсда зафар қучган "Пахтакор" 7 бор рақиб билан дуранг ўйнаган ва бир марта имкониятни бой берган. "Қизилқум" дарвозасига 137 гол урилиб, 30 тўп ўтказиб юборилган.
Навоийдаги 24 учрашувнинг бирортасида "Шерлар" мағлубиятга учрамаган. Меҳмонда 20 ғалаба ва 4 дуранг натижа кузатилган. Сафардаги 8 учрашувда жамоамиз йирик ҳисобда зафар қучган. Ўтган мавсумда жамоамиз меҳмонда 3:2 ҳисобида ғолиб бўлган.
Бу жамоаларнинг 2007 йил Навоийда ўтган беллашувида Ўзбекистон олий лигаси тарихидаги энг йирик натижа қайд этилган. Ўшанда "Шерлар" мезбонлар устидан 11:0 ҳисобида зафар қучишган.
Баҳсни жамоамиздан дисквалификация туфайли Умар Адҳамзода ўтказиб юборади.
"Қизилқум" ва "Пахтакор" ўртасидаги учрашув 26 октябрь, шанба куни соат 16:00да Қаршидаги "Марказий" стадионда бошланади.
