Клуб янгиликлари

Ўзбекистон U-23 термасининг Париждаги Олимпия ўйинларида қатнашадиган таркиби маълум бўлди. Унда "Шерлар"нинг 6 нафар футболчиси якуний таркибдан ўрин олди. Владимир Назаров, Муҳаммадқодир Ҳамралиев, Беҳруз Асқаров, Абдурауф Бўриев, Иброҳим Ибрагимов ва Диёр Холматов Парижга йўл олади.

Шунингдек, таркибдаги 22 нафар футболчининг 11 нафари "Пахтакор" футбол мактаби тарбияланувчилари ҳисобланади (Назаров, Абдунабиев, Мирсаидов, Ҳамралиев, Йўлдошев, Асқаров, Холматов, Жиянов, Одилов, Ўрунов, Файзуллаев). Бу клубимиз ёшларни тарбиялашда амалга ошираётган меҳнат қанчалик фойдали бўлаётганини кўрсатади.