UZ
Rus
Eng
Чемпионлик сари курашни давом эттираётган "Шерлар" 20 октябрь куни "Турон"га қарши Тошкентда Суперлига 22-турида майдонга тушади.
Яйпанда биринчи даврада ўтган баҳсда жамоамиз 1:0 ҳисобида ғалаба қозонган. Жами Суперлигадаги уч тўқнашувда "Пахтакор" икки бор зафар қучиб, бир марта дуранг ўйнаган. "Шерлар" 5 тўп киритиб, 2 гол ўтказиб юборган.
Беллашувни рақибдан дарвозабон Раҳим Давронов дисквалификация туфайли ўтказиб юборади. Жамоамизда бундай йўқотиш мавжуд эмас.
"Пахтакор" ва "Турон" жамоалари ўртасидаги ўйин 20 октябрь, жума куни соат 19:00да "Пахтакор" стадионида бошланади.
