Клуб янгиликлари

"Пахтакор" - "Навбаҳор" ўйини чипталари ҳақида маълумот

Клуб янгиликлари

"Пахтакор" футбол клуби Суперлига 4-тур ўйинига чипталар сотуви бошланганини эълон қилади.

Яқинлашиб келаётган турда "Пахтакор" ўз майдонида Суперлиганинг марказий тўқнашувларидан бирида "Навбаҳор"ни қабул қилади ва ушбу ўйин учун чипталар сотуви бошланди.

Қизиқарли беллашувни "Пахтакор" стадионидан кузатишни истаган мухлислар чипталарни Iticket.uz кассаларидан ва онлайн тарзда ушбу оператор сайтидан харид қилишлари мумкин. Чипталар онлайн сотиб олинганда уларни қоғозга чоп этиш шарт эмас, чиптанинг электрон вариантини стадионга кириш эшигида электрон қурилмада (телефон, планшет) кўрсатиш кифоя. "Пахтакор" стадионидаги кассалар эса ўйин куни фаолият кўрсатади. Ўйин 1 апрель куни соат 19:00да бошланади. Чипта нархлари оддий секторлар учун 30 минг сўм, CIP секторлар учун 100 минг сўм қилиб белгиланган.

"Навбаҳор" ишқибозларига чипталарни меҳмонлар мухлислари учун мўлжалланган 17-23 секторларга харид қилиш тавсия этилади.

Суперлигада дастлабки уч турдан кейин "Пахтакор" ва "Навбаҳор" 7тадан очко тўплаган ҳолда турнир жадвали юқори поғонасида боришмоқда. Ишқибозларни "Пахтакор"даги ажойиб баҳсга таклиф этамиз.