UZ
Rus
Eng
Ҳозирга қадар жамоалар чемпионатлар доирасида 29 баҳсда тўқнаш келишган. Уларнинг 23тасида "Пахтакор", 5тасида "Сурхон" зафар қучган. Бир марта дуранг натижа қайд этилган. Рақиб дарвозасини 96 марта ишғол қилган "Шерлар" 26 тўп ўтказиб юборишган.
Тошкентдаги 14 тўқнашувнинг 13тасида "Пахтакор", биттасида "Сурхон" ғалаба қозонган. "Шерлар" Тошкентда 13 ғалабадан 10тасида йирик ҳисобда зафар қучганлар. Ўз майдонимизда гол уриш борасида кўрсаткичлар 61:9ни ташкил қилади.
Ўзаро баҳслардаги энг йирик натижа 2004 йилда кузатилган. Ўшанда "Пахтакор" термизликларни 8:0 ҳисобида доғда қолдирган. "Сурхон"нинг Тошкентдаги ягона ғалабаси 1994 йил қайд этилган.
"Пахтакор" ва "Сурхон" жамоалари ўртасидаги ўйин 6 ноябрь, шанба куни соат 17:00да "Пахтакор" стадионида бошланади.
"Сурхон"га қарши ўтказиладиган беллашувдан сўнг "Шерлар" жорий мавсум чемпионатдаги катта ғалабани мухлислар билан бирга нишонлашади. Стадионга ташриф буюрган ишқибозлар эстрада юлдузларининг чиқишларига гувоҳ бўлиб, ютуқли ижтимоий акцияда иштирок этишлари мумкин бўлади.
Барча мухлисларни 6 ноябрь куни "Пахтакор" стадионига чорлаймиз.
