Клуб янгиликлари

"Пахтакор" U-21 жамоаси 23-турда Жиззахда муҳим ғалабани қўлга киритди.

"Сўғдиёна" билан беллашув кескин кечди ва жамоалар бир-бирига деярли бўш ҳудудлар қолдирмасликка уринди. Биринчи бўлимда мезбонларнинг бир ўта хавфли зарбаси ноаниқ кетган бўлса, 36-дақиқада жамоамиз ҳисобни очди. Пенальтидан Ботир Ирисметов унумли фойдаланди. Иккинчи бўлим ўрталарида Пўлатхўжа Холдорхоновнинг зарбасидан сўнг дарвозага кириб кетаётган тўпни мезбонлар ҳимоячиси қайтариб юборишга эришди. 70-дақиқада эса ҳисоб тенглашди. Акмалов мезбонларнинг жавоб тўпини киритди. Шундан кейин ҳужумларни кескинлаштирилган ёш футболчиларимиз 88-дақиқада ғалаба голини уришди. Қанотдан узатилган тўпни захирадан туширилган Рустам Турдимуродов яқин масофадан дарвозага киритди. Муҳим ғалабадан кейин ёшларимизда мавсумни совриндорлар сафида тугатиш имконияти анча ошди.

23 октябрь. Жиззах. "Сўғдиёна" базаси майдони.

Ҳакамлар: Р.Абдувоҳидов, Б.Бегалиев, Б.Бердибеков, М.Файзуллаев. 

Назоратчи: Б.Ҳайдаров.

"Сўғдиёна": Пирматов, Куйбоков, Собиржонов (Ҳайитжонов, 69), Умаров (Шодмонов, 61), Акмалов, Ҳошимов, Орзиқулов, Мавлонқулов (Тошмуродов, 61), Сайимназаров, Аламов, Сойипов.

"Пахтакор": Боймуродов, Асқаров, Эргашбоев (Мифтахуддинов, 90+1), Раҳматуллаев (Абдулазизов, 77), Ирисметов, Абдураззоқов (Пўлатов, 73), Позилов, Ашуров, Ортиқбоев, Ўринбоев (Турдимуродов, 82), Холдорхонов.

Голлар: Ирисметов, 36-пен - 0:1. Акмалов, 70 - 1:1. Турдимуродов, 88 - 1:2.

Огоҳлантиришлар: Орзиқулов, 18. Сайимназаров, 53. Ортиқбоев, 80.