Клуб янгиликлари

Питер Хюистра: "Суперкубокда ғалаба қозонганимиздан бахтиёрмиз"

Клуб янгиликлари
"Пахтакор" бош мураббийи Питер Хюистра ва ўйиннинг энг яхши футболчиси деб топилган Драган Черан Суперкубок баҳсидан сўнг беллашув ҳақида фикрларини билдиришди.

Хюистра: - Кубокни ютиш ҳамиша ёқимли. Биринчи расмий ўйин учун жамоалар яхши футбол кўрсатишди. Мавсумни бошлаганимиздан хурсандмиз.

Дердийок кейинги баҳсда бизга ёрдам беришига умид қиламиз. Бизда олдинда бир неча вариантлар бор. Унинг ўрнини тўлдириш имкониятига эгамиз. Мавсум давомида буни намойиш этишга уринамиз.

Жамоалар рақибнинг кучли тарафларини зарарсизлантиришга интилади. Рақиб ҳам шундай қилишга уринди. Биз кейинроқ ташаббусни ўз томонимизга оғдирдик. Ўйинни назорат қилдик ва тартибли ўйин кўрсатдик. Иккинчи бўлимда эса кўпроқ ҳудудлар юзага келди.

Черан: - Кучли рақибга қарши қийин ўйин ўтказдик. Рақибни жиддий ўргандик ва бу бизга фойда келтирди. "Пахтакор" тарихида биринчи марта бу совринга эга чиқдик. Номимизни тарихга ёздириб қўйдик. Энди яна ушбу жамоа билан майдонга тушамиз.

"Насаф"да яхши мураббий бор. Академиядан ҳар йили ёшларни асосий жамоага тайёрлайди. Кейинчалик улар бошқа жамоага ўтишлари мумкин.