Клуб янгиликлари

Питер Хюистра: "Гуруҳимиз яхши жамоалардан шаклланди"

Клуб янгиликлари

"Пахтакор" бош мураббийи Чемпионлар Лигасининг қуръаси хусусида ўз фикрларини билдирди.

- Чемпионлар Лигасидаги рақибларни қуръа маросимидан сўнг билиб олдик. Биринчи рақибимиз "Шаржа" жуда яхши жамоа. БАА чемпиони ва уларни "Шабаб Ал Аҳли"га қиёсласак бўлади. Бизни жуда ажойиб икки ўйин кутмоқда. Иккинчи рақибимиз эса "Трактор" Эроннинг барча жамоалари каби кучли. Тўғри, улар "Персеполис" эмасдир, аммо барибир яхши шаклланган ва қизиқарли рақиб. Учинчи жамоани эса саралаш ўйинидан кейин билиб оламиз. Саудия Арабистонининг "Ал Ваҳда" ёки Ироқнинг "Эйр Форс" клуби рақибимизга айланади. Гуруҳимизда яхши савиядаги жамоалар тўпланган деб ўйлайман.

Биз қуръадан қониқдик. "Пахтакор" гуруҳ босқичида ўйнаш борасида устунликка эга. Биз гуруҳдан ўтишни истаймиз. Бунинг учун бор имконимиз билан меҳнат қиламиз.