Клуб янгиликлари

"Пахтакор" футзал жамоаси пешқадамликни қайтариб олди

Клуб янгиликлари
Футзал бўйича олий лига 10-тур ўйинларининг иккинчи кунидан кейин "Пахтакор" яна пешқадамликни қўлга олди.

"Строитель-Зарафшон" билан беллашувда футзалчиларимиз биринчи бўлимдаёқ ўйин тақдирини ҳал қилишга муваффақ бўлишди. Бўлим охирида ҳисоб 4:1 кўринишини олиб улгурганди. Иккинчи бўлимда ҳам ҳужумкорликни пасайтирмаган жамоамиз якунда 10:3 натижаси билан ғолиб чиқди. Акбар Усмонов 4 гол урган бўлса, Шерзод Мустафоев ва Машраб Одилов ҳисобига иккитадан тўп ёзилди. Фарҳод Абдумавлонов ва Равшан Элибоев биттадан тўп киритди. 27 беллашувда 75 очко тўплаган "Пахтакор" яқин таъқибчиси АГМКдан бир ўйин кам ўтказган ҳолда икки очко илгарилаб кетди. Турнинг охирги баҳсида жамоамиз эртага "Хуахин-Жиззах" билан тўқнаш келади.

"ПАХТАКОР" - "СТРОИТЕЛЬ-ЗАРАФШОН" - 10:3 (4:1)
Голлар: Одилов 1, 34, Мустафоев 6, 23, Усмонов 17, 32, 33, 38, Абдумавлонов 19, Элибоев 33 - Раҳмонбердиев 10, 37, Деҳқонов 27.
"Пахтакор": Элибоев, Одилов, Шавкатов, Усмонов, Абдувалиев.
Захира: Ҳазратқулов, Ирсалиев, Абдумавлонов, Свиридов, Маҳмудов, Ражабов, Мустафоев, Фахриддинов, Иброҳимов, Зоиров.
"Строитель-Зарафшон": Матвалиев, Раҳмонбердиев, Ҳолиқов, Мирзааҳмедов, Деҳқонов.
Захира: Сотволдиев, Ашуров, Саиджонов, Аҳмедов.