Клуб янгиликлари

Аёллар жамоамиз олий лигани "Севинч" устидан ғалаба билан якунлади

Клуб янгиликлари
"Пахтакор" аёллар жамоаси олий лигада мавсумни иккинчи ўрин соҳибини ютган ҳолда якунлади.

Сўнгги турда мавсумни иккинчи ўринда якунлаган "Севинч"ни қабул қилган Рустам Арипов шогирдлари кучли рақиб устидан 2:1 ҳисобида ғалаба қозонишди. Ҳисобни 19-дақиқада озарбайжонлик легионеримиз Ана Алекперова очди. Иккинчи бўлимда рақиблар пенальтидан мувозанатни тиклашди. Ҳакам томонидан қўшиб берилган дақиқаларда эса Камола Эркинова жамоамизга ютуқ келтирган голга муаллифлик қилди. Шу тариқа 16 беллашувда 7 ғалаба, 2 дуранг ва 7 мағлубият қайд этган қизларимиз 23 очко тўплаган ҳолда мавсумни 6-поғонада тугатишди. Бу билан ўтган йилги кўрсаткич бир ўринга яхшиланди. Рақиб дарвозасига 42 гол урилиб, 31 тўп ўтказиб юборилди.

"ПАХТАКОР" - "СЕВИНЧ" - 2:1 (1:0)
22 ноябрь. Тошкент. "Чилонзор" стадиони. 31 томошабин.
Ҳакамлар: Р.Юсупова, Х.Эркинова, М.Муралиева, А.Галеев.
Назоратчи: А.Ўринов.
"Пахтакор": Узганова, Цема, Ҳикматова, Абдураимова, Абдукаримова (Ҳатамова, 72), Д.Бахтиёрова (Тагирова, 80), Турғунова, Воҳидова (Эркинова, 84), Бердиева, Моисеева, Алекперова.
"Севинч": Полюшкевич, Жонимқулова, Тошева, Шодиева, Тилолова, Шойимова (Баҳромова, 66), Панжиева, Бурхонова, Қултўраева, Амирова, Қудратова.
Голлар: Алекперова, 19 - 1:0. Панжиева, 70-пен - 1:1. Эркинова, 90+5 - 2:1.
Огоҳлантиришлар: Турғунова, 76. Алекперова, 84. Шодиева, 90+3.
Четлатиш: Амирова, 37.