Клуб янгиликлари

Сергеев ҳисобида олий лигада урилган голлар сони 89тага етди.

Шу тариқа у "Пахтакор" таркибида юқори лигада энг кўп тўп киритган футболчилар рўйхатида учинчи ўринга кўтарилиб олди. Иккинчи ўринда турган Игорь Шквирин ҳисобида 91 гол мавжуд. Демак, яна уч гол урган тақдирда Сергеев бу рўйхатда иккинчи ўринга кўтарилади.

Энг кўп тўп киритган футболчи Геннадий Красницкий ҳисобланади. У юқори лига ўйинларида 102 бор рақиблар дарвозасини ишғол қилишга эришган. Кейинги поғонада жойлашган Игорь Шквирин 66 голини Ўзбекистон, 25 тўпини эса СССР чемпионати олий лигасида киритган. Сергеевдан сўнг Биродар Абдураимов 87, Анвар Солиев 86 гол муаллифи бўлган. Зайниддин Тожиев 71, "Пахтакор"да иккинчи ёшлигини бошдан кечирган Андрей Якубик 70 гол уришга эришган.

Кучли ўнликдан Александр Гейнрих, Сервер Жепаров ва Дилмурод Назаров ҳам ўрин олган.

"Пахтакор"нинг чемпионатлар юқори лигасидаги энг яхши тўпурарлари

Геннадий Красницкий  102

Игорь Шквирин  91

Игорь Сергеев 89

Биродар Абдураимов  87

Анвар Солиев    86

Зайниддин Тожиев  71

Андрей Якубик  70

Александр Гейнрих    66

Сервер Жепаров  64

Дилмурод Назаров  56