Клуб янгиликлари

"Пахтакор" академиясининг 2008 йилда таваллуд топган тарбияланувчилари Беларусда ўтказиладиган турнирларда иштирок этишади.

Раҳматилла Муҳаммадраҳимов бошчилик қилаётган жамоа 4-7 февраль кунлари Минск шаҳрида бўлиб ўтадиган "Бизнинг келажагимиз-2020" мусобақасида ўйнайди. Гуруҳда ёш футболчиларимиз Россиянинг "Псков-747" ва РОЗК Тверь, шунингдек, Беларуснинг "ОЗРМ БГУ-08" Богайчук жамоалари билан тўқнаш келишади.

2008 йилнинг яна бир жамоаси мураббий Асқар Холмуродов бошчилигида 18-20 февралда Минскда ташкил этиладиган бошқа бир турнир - "Динамо Кубоги"да қатнашиши мўлжалланмоқда.