Клуб янгиликлари

"Сўғдиёна"га қарши учрашувда тўлиқ ташаббусга эга бўлган жамоамиз биринчи бўлимда кўплаб хавфли вазиятларни юзага келтирди. Кримец ва Собирхўжаевнинг уринишларига аниқлик етишмаган бўлса, 21-дақиқада Машариповнинг жарима майдонига узатиб берган тўпини Сергеев боши билан дарвозага йўллади. Бўлим якунигача бир неча қулай имкониятлар қўлдан бой берилди.

Иккинчи бўлим бошида яна Машарипов-Сергеев тандеми ўзини кўрсатди. Жалолдан тўпни қабул қилган Игорнинг зарбасидан кейин тўп рақиб ҳимоячисига теккан ҳолда дарвозадан жой олди - 2:0. Ўйинга якуний нуқтани Ҳамдамов қўйди. Достон бирга-бир вазиятда тўпни дарвозага йўллади ва "Пахтакор"нинг 3:0 ҳисобидаги муваффақиятини таъминлади. Учрашувдан сўнг чемпионликни нишонлашга аталган кичик байрам ўтказилиб, "Пахтакор"га чемпионлик кубогини топширилди.

1 октябрь. Тошкент. "Пахтакор" стадиони.

Ҳакамлар: О.Тўйчибоев, А.Расулов, Ж.Саидов, Р.Чориев.

Назоратчи: Ғ.Каримов.

Комиссар: А.Давиденко.

"Пахтакор": Суюнов, Алижонов (Йўлдошев, 90+1), Симич, Кримец (С), Сайфиев, Ҳамробеков, Собирхўжаев (Абдуллаев, 69), Ҳамдамов, Черан, Машарипов (Бикмаев, 79), Сергеев.

"Сўғдиёна": Митрович, Қулматов, Шойқулов, Орифов, Махарадзе, Н.Ҳасанов (М.Ҳасанов, 24), Норхонов, Талхатов (Болтабоев, 46), Ж.Ҳасанов, Милинкович (Санжар Рашидов, 64), Файзиев.

Голлар: Сергеев, 21 - 1:0. Сергеев, 55 - 2:0. Ҳамдамов, 89 - 3:0.

Огоҳлантириш: Кримец, 53.