Клуб янгиликлари

Шота Арвеладзе: “Бизни жиддий рақиб билан ўйин кутмоқда”

Клуб янгиликлари

"Пахтакор" бош мураббийи жамоанинг Осиё Чемпионлар Лигаси 2-саралаш босқич ўйинига тайёргарлиги ва йиғинлар хусусида фикрларини билдирди.

- Йиғинларда қийинчиликка дуч келдик. Чунки йиғин бошида деярли ярим жамоа йўқ эди. Тўлиқ жамоа йиғилганда ўзимизга келишни бошладик. Ҳали яна кўп жиҳатлар устида ишлашимиз талаб этилади.

Янги футболчилар жамоага тезроқ киришиб кетишларига умид қиламан. Ҳозир бу жараён давом этмоқда. Йигитлар машғулотларда қувноқ ва шу билан бирга профессионал тарзда ишлашмоқда.

Учрашувга тайёргарликни яхши ўтказдик. Рақибимиз жиддий жамоа, улар ОФК Кубогининг охирги уч мавсумида ғолиб чиқишган. Бу шунчаки бўлмайди, албатта. "Эйр Форс" жисмонан яхши шаклланган. Стандарт вазиятларда яхши ўйнашади. Таркибида ўйинни ўзгартира олишга қодир футболчилар мавжуд. Бизни жуда қийин ўйин кутиб турибди. Ироқда мавсум қизиган паллага кирган. Бу бизнинг фойдамизга эмас, аммо ғалаба қозониш ва кейинги босқичга чиқиш учун бор кучимизни берамиз.