Клуб янгиликлари

"Пахтакор" - "Сўғдиёна". Учрашув ҳақида маълумотлар

Клуб янгиликлари


Олий лиганинг 26-турида "Пахтакор" "Сўғдиёна"ни қабул қилади.

Ҳар икки жамоа ўтган турдаги ўйинларидан кейин мазкур учрашувга тайёргарлик кўришни бошлаб юборган. "Пахтакор"дан Жамшид Искандеров дисквалификация сабабли майдонга туша олмайди. Ярим ҳимоячи кейинги беллашувни ҳам ўтказиб юборади. Меҳмонлар сафида бундай йўқотиш йўқ.

Қарама-қаршилик
Ҳозиргача олий лигада жамоалар 41 бор тўқнаш келишган. 33 ўйинда "Пахтакор", 4 баҳсда "Сўғдиёна" зафар қучган. 4 учрашувда кучлар тенг келган. Жамоамиз 108 марта рақиблар дарвозасини ишғол қилган. Жиззахликлар ҳисобида 35 гол мавжуд. Тошкентдаги 20 ўйиннинг 18тасида "шерлар" ғолиб чиқишган. Бир мартадан дуранг ва мағлубият кузатилган. Охирги марта "Сўғдиёна" 1995 йил пойтахтда очко олган.

Ўйин расмийлари
Учрашувни Зокир Қодиров бошқаради. У жорий мавсум жамоамизнинг икки ўйинида ишлади. "Машъал"ни мағлуб этган жамоамиз "Насаф"га имкониятни бой берган.

"ПАХТАКОР" - "СЎҒДИЁНА"
Ҳакамлар: Зокир Қодиров (Навоий), Руслан Серазетдинов (Тошкент), Равиль Шояхметов (Тошкент), Аскер Нажафалиев (Тошкент).
Назоратчи: Шамил Жумаев (Шаҳрисабз).
ПФЛ вакили: Фарҳод Магометов.

Ёшлар таркиблари учрашуви 21 октябрь, жума куни Қибрайдаги стадионда 15:00да бошланади. Асосий жамоалар баҳси 22 октябрь, шанба куни "Пахтакор" стадионида 17:00да старт олади.