Клуб янгиликлари

Машарипов яна ғалаба келтирди: "Пахтакор" - "Қизилқум" 1:0

Клуб янгиликлари

20-турнинг қолдирилган ўйинида жамоамиз "Қизилқум"дан устун келди.

Учрашувни фаол бошлаган "шерлар" 5-дақиқада ҳисобни очишди. Юнусовдан тўпни олиб қўйган Искандеров уни дарҳол Машариповга етказиб берди. Жалолнинг дастлабки зарбасини Жабборов қайтарди. Унга яна биринчи бўлиб етиб келган Жалол бўш қолган дарвозани ишғол қилди - 1:0. Бўлим охиригача ташаббус жамоамиз тарафида бўлди, бироқ юзага келтирилган вазиятлардан футболчиларимиз фойдалана олишмади.

Иккинчи бўлимда меҳмонлар анча фаоллашишди. Юнусовнинг кучли зарбасидан кейин Лобанов тўпни қайтарган бўлса, Шодиевнинг уринишини Андреев бартараф этди. Бир ҳолатда Жўраев яқин масофадан ноаниқ зарба берди. Жамоамиз қарши ҳужумларда имкониятларни юзага келтирди, бироқ натижа ўйин охиригача ўзгармади. "Пахтакор" кетма-кет иккинчи ғалабасини нишонлади.

"ПАХТАКОР" - "ҚИЗИЛҚУМ" - 1:0 (1:0)
21 сентябрь. Тошкент. "Пахтакор" стадиони.
Ҳакамлар: В.Серазетдинов, Б.Қодиров, А.Қўлдошев.
Назоратчи: Р.Айтеков.
"Пахтакор": Лобанов, Андреев, Тожиев, Ораховац, Ҳошимов, Исматуллаев, А.Аҳмедов (Толипов, 76), Болтабоев, Искандеров, Машарипов, Ҳакимов (Сидоров, 46; Г.Аҳмедов, 86).
"Қизилқум": Жабборов, Рустамов (Ваҳобов, 89), Квесиешвили, Каримов, Юсупов (Жўраев, 46), Усмонов, Бойдуллаев, Юсупов, Ҳасанов, Шодиев, Йованович (Шодмонов, 76).
Гол: Машарипов, 5 - 1:0.
Огоҳлантиришлар: Жўраев, 47. Тожиев, 59.