Клуб янгиликлари

Суперлиганинг 2-турида "Пахтакор" "Бунёдкор"га 0:1 ҳисобида имкониятни бой берди.

Учрашувда ташаббус тўлиқ "Пахтакор" тарафида бўлди. Биринчи бўлимда Гриффитс ва Гонсалвешнинг иккитадан, Безерра ва Абдураҳимовнинг биттадан хавфли уриниши гол билан якунланмади. Зуҳуров баъзи зарбаларни қайтарган бўлса, баъзан футболчилар ноаниқ зарба беришди.

Танаффусдан сўнг ҳам ўйиннинг бориши ўзгармади. Машарипов, Гриффитс, Сайфиев, Абдураҳимов ва Безерранинг зарбалари омадсизлик туфайли голга айланмади. Мезбонлар 79-дақиқада кам сонли ҳужумлардан бирида Ашурматовнинг аниқ зарбаси эвазига ҳисобни очишди. Сўнгги дақиқаларда дарвоза тўсини ва Зуҳуров мезбонларни голдан қутқарди. Ҳакимов белгиланган пенальтидан фойдалана олмади. Шу тариқа "Пахтакор" аламли мағлубиятга учради.

Ҳакамлар: Ш.Қосимов, С.Шоюсупов, О.Абдувасилов, О.Худойдотов.

Назоратчи: Р.Серазетдинов.

Комиссар: М.Саидқосимов.

"Бунёдкор": Зуҳуров, Комилов, Ашурматов, Ғофуров, Сулаймонов, Иброҳимов, Ғиёсов (Қобилов, 85), Қосимов (Собирхўжаев, 60), Тошматов, Қодирқулов (Умиров, 46), Нурматов.

"Пахтакор": Суюнов, Сайфиев, Симич, Аъзамов, Шораҳмедов, Раҳматуллаев (Аҳмедов, 80), Гриффитс, Машарипов, Абдураҳимов (Яхшибоев, 70), Безерра, Гонсалвеш (Ҳакимов, 78).

Гол: Ашурматов, 79 - 1:0.

Огоҳлантиришлар: Иброҳимов, 90+3. Ашурматов, 90+3.

Фойдаланилмаган пенальти: Ҳакимов, 90+3.