Клуб янгиликлари

Олим Аширов таваллудига 63 йил тўлди

Клуб янгиликлари

Бундан 63 йил аввал "Пахтакор" тарихидаги энг яхши ҳимоячилардан бири туғилганди.

Олим Аширов клубимиз тарихидаги энг яхши марказий ҳимоячилардан бири саналади.

У Герман Титов номидаги олимпия захиралари коллежини тамомлаган. "Пахтакор" таркибига 1972 йил келиб қўшилган Аширов жамоада 8 мавсум давомида тўп тепган. Шундан беш йил олий, уч йил эса биринчи лигада ўйнаган. Тўпни олиб қўйиш, шерикларининг ўрнини тўлдириш, кучли зарба йўллаш ва ҳужумга қўшилиш каби жиҳатларда жуда моҳир бўлган. Бир неча бор Ўзбекистон ёшлар терма жамоаси сардори этиб сайланган. "Пахтакор" сафида 149 учрашувда 5 гол уришга эришган. 1972 йил СССР биринчи лигаси ғолибига айланган.

У 1979 йил 11 августда Минскка парвоз чоғида Днепродзержинск осмонида рўй берган авиаҳалокатда ҳаётдан кўз юмган. Унинг икки ўғли - Олег ва Улуғбек ҳам фаолияти давомида футболга боғлиқ инсонлар саналишган.

"Пахтакор" футбол клуби жамоа шаклланишига катта ҳисса қўшган инсонларни ҳурмат қилади, уларни ёдга олади ва қадрлайди!