Клуб янгиликлари

Козак ва Исматуллаевнинг 2017 йилги кўрсаткичлари

Клуб янгиликлари

Владимир Козак "Пахтакор" таркибида олий лигада майдонда энг кўп ҳаракат қилган футболчига айланди. 24 ёшли ҳимоячи барча учрашувларда иштирок этди. Майдонда 2496 вақт ўтказган Козак рақиблар дарвозасини 3 марта ишғол қилди. У "Бухоро", "Нефтчи" ва "Шўртан" посбонларини доғда қолдирди.

Аниқ тўп оширишлари 79 фоизни ташкил этди. Бир ўйинда 51 пасидан ўртача 40таси аниқ чиққан. Ҳимояда 8 яккакурашдан 5таси, ҳужумда 5тадан 3тасида муваффақиятли ўйнаган. Козак 59 фоиз ҳолатда рақибларни алдаб ўтган. Тўпни олиб қўйиш кўрсаткичи 60 фоиздан иборат.

Акбар Исматуллаев 24 учрашувда 1851 дақиқа ҳаракат қилган. "Қўқон-1912" билан сафардаги ўйинда ҳисобни тенглаштирган голга муаллифлик қилган. Ўша голи жамоамизга бир очко келтирганди.

Бир ўйинда ўртача 50 тўп оширишидан 44таси аниқ бўлган (88 фоиз). Ҳар икки яккакурашдан бирида у рақибдан устун келган. Ўртача кўрсаткичи учрашув учун 12тадан 6тага тўғри келади. 63 фоиз ҳолатда рақибдан ўтиб кетишга эришган Акбар 56 фоиз ҳолатларда тўпни олиб қўйишга муваффақ бўлган.