Клуб янгиликлари

Қаршида мағлубиятга учрадик

Клуб янгиликлари

"Насаф" билан бир бўлимдан ортиқроқ кам бўлиб ўйнаган жамоамиз имкониятни бой берди.

Учрашув бошида ташаббус мезбонлар тарафида бўлди ва хавфли зарбаларни Лобанов ва баъзи ҳолатларда ҳимоячилар қайтариб қолишди. 22-дақиқада Машариповни жарима майдонида Раҳматов йиқитгани учун белгиланган пенальтидан Искандеров унумли фойдаланди. Тенг кураш кечаётган бир пайтда Соҳибов 3 дақиқа ичида 2 марта огоҳлантирилди ва майдондан четлатилди.

Иккинчи бўлим бошида Голбан бурчак зарбаси ўйинга киритилгач, мувозанатни тиклади. Шундан кейин жамоамиз бир қатор кескин ҳолатларни юзага келтирди, аммо 76-дақиқада қарши ҳужумда тўп ўтказиб юборди. Черан мезбонларга ютуқ келтирган гол муаллифига айланди. Ўйин охиридаги уринишларимиз самара бермади. Шу тариқа "Насаф" 2:1 ҳисобида ғалабасини нишонлади.

"НАСАФ" - "ПАХТАКОР" - 2:1 (0:1)
19 август. Қарши. 7898 томошабин.
Ҳакамлар: З.Қодиров, А.Снетков, В.Лушин.
Назоратчи: С.Нажафалиев.
"Насаф": Суюнов, Раҳматов (Абдухолиқов, 72), Голбан, Аъзамов, Муҳаммадиев, Мусаев, Рашидхонов (Муҳиддинов, 59), Сайфиев, Красич (Алланиязов, 42), Ғаниев, Черан.
"Пахтакор": Лобанов, Андреев, Ораховац, Тожиев, Исматуллаев, Соҳибов, Болтабоев (Сидоров, 82), Машарипов, Каримов, Искандеров, Ҳакимов (Отахонов, 46).
Голлар: Искандеров, 23-пен - 0:1. Голбан, 47 - 1:1. Черан, 76 - 2:1.
Огоҳлантиришлар: Соҳибов, 37. Ғаниев, 68. Муҳиддинов, 71. Ораховац, 76. Тожиев, 82.
Четлатиш: Соҳибов, 40.