Клуб янгиликлари

"Локомотив" - "Пахтакор". Учрашув превьюси

Клуб янгиликлари

21 сентябрь куни "Пахтакор" олий лиганинг 22-турида "Локомотив" меҳмони бўлади.

Чемпионатлар доирасида 26-марта ўтказиладиган Тошкент дербисини мезбонлардан Марат Бикмаев дисквалификация сабабли ўтказиб юборади. Жамоамизда бундай йўқотиш мавжуд эмас.

Ўтган 25 ўйиннинг 16тасида "Пахтакор" ғалаба қозонган. 5 беллашув дуранг билан тугаб, 4 тўқнашувда рақиб устун чиққан. Гол уриш борасида жамоамизнинг кўрсаткичи сезиларли даражада яхшироқ - 57:23. Рақиб устидан қўлга киритилган энг йирик ғалаба 7:1 натижасидан иборат. "Локомотив" майдонида 12 учрашувдан 7тасида жамоамиз ютуққа эришган. 3 дуранг ва 2 мағлубият қайд этилган.

Ўйинда Владислав Цейтлин бошчилигидаги ҳакамлар гуруҳи ишлайди. Ушбу ҳакам олий лигада илк бор "Пахтакор" иштирокидаги учрашувда рефери бўлади.

"ЛОКОМОТИВ" - "ПАХТАКОР"
Ҳакамлар: Владислав Цейтлин (Тошкент), Маъмур Саидқосимов (Тошкент), Равиль Шояхметов (Тошкент), Жасур Мухторов (Тошкент).
Назоратчи: Арслон Хотамов (Тошкент).
ЎзПФЛ вакили: Ноил Лутфулин.

Ёшлар таркиблари ўйини 20 сентябрь, чоршанба куни 16:30да ТТЙМИ стадионида бошланади. Асосий жамоалар учрашуви 21 сентябрь, "Локомотив" стадионида 18:00да старт олади.